Знайсці
05.10.2021 / 22:23РусŁacБел

«Комсомольская правда» закрывае сваё прадстаўніцтва ў Беларусі

Пра гэта паведаміла само расійскае выданне.

«Прааналізаваўшы падзеі апошняга года і асабліва апошняга тыдня, «Комсомольская правда» прыняла рашэнне закрыць сваё прадстаўніцтва ў Мінску. Усім супрацоўнікам будуць выплачаныя грашовыя кампенсацыі або прапанаваная праца на іншых прадпрыемствах КП», — гаворыцца ў паведамленні.

Журналіст «Камсамольскай праўды» Генадзь Мажэйка быў затрыманы 1 кастрычніка паводле ч. 3 арт. 130 (Распальванне расавай, нацыянальнай або рэлігійнай варожасці або варажнечы) і арт. 369 (Абраза прадстаўніка ўлады).

Гэта здарылася пасля таго, як вечарам 28 верасня быў апублікаваны яго артыкул з успамінамі былой аднакласніцы пра Андрэя Зельцэра, які застрэліў супрацоўніка КДБ Дзмітрыя Федасюка ў сваёй кватэры на вуліцы Якубоўскага ў Мінску.

Сайт «Камсамолкі» ў Беларусі быў заблакаваны раніцай 29 верасня паводле рашэння Мінінфарма. 

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера