Знайсці
04.10.2021 / 17:17РусŁacБел

МУС: Журналіст Генадзь Мажэйка быў затрыманы ў Беларусі 

Міністэрства ўнутраных спраў апублікавала заяву адносна затрымання журналіста «Камсамольскай праўды» Генадзя Мажэйкі.

Як сцвярджаюць у міністэрстве, журналіст хацеў з Расіі вылецець у трэцюю краіну, але пры спробе зрабіць гэта ён даведаўся, што быў прызнаны непажаданым на тэрыторыі Расіі. Таму нікуды вылецець ён не змог і, як сцвярджаецца, вярнуўся ў Беларусь.

— Наколькі нам вядома, грамадзянін Мажэйка выехаў з тэрыторыі Беларусі ў Расійскую Федэрацыю, дзе прадпрыняў спробу вылецець у трэцюю краіну, аднак з улікам прынятага раней расійскімі праваахоўнымі органамі рашэння аб непажаданасці знаходжання на тэрыторыі гэтай краіны ў выездзе з тэрыторыі Расійскай Федэрацыі яму было адмоўлена і прадпісана выбыць з тэрыторыі дадзенай дзяржавы. Мажэйка ў вызначаным парадку выехаў з тэрыторыі Расіі і прыбыў на тэрыторыю Беларусі, дзе далей і быў затрыманы, — гаворыцца ў афіцыйным каментары МУС. 

 

У выніку Мажэйку затрымалі на тэрыторыі Беларусі ў рамках заведзенай на яго крымінальнай справы па ч. 3 арт. 130 (распальванне расавай, нацыянальнай або рэлігійнай варожасці або розні) і арт. 369 (абраза прадстаўніка ўлады) КК. 

Раней з'яўлялася інфармацыя, што Генадзь Мажэйка быў затрыманы ў Маскве, дзе знаходзіўся па асабістых справах. Яшчэ 30 верасня бацькі журналіста размаўлялі з сынам па відэасувязі з маскоўскага гатэля. 

Крэмль па справе затрыманага журналіста «Камсамолкі»: «Пакуль няма адчування, што ў Мінску чуюць нашу пазіцыю»

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера