У Швецыі сёння пачнуць абвяшчаць Нобелеўскіх лаўрэатаў
Само ўручэнне прэміі адбудзецца ў снежні, але і сёлета пройдзе на радзіме лаўрэатаў у фармаце анлайн з-за пандэміі.
Сёння Нобелеўскі камітэт у Стакгольме паведаміць, каму прысуджана прэмія па медыцыне. У аўторак, 5 кастрычніка, абвесцяць уладальніка прэміі па фізіцы, у сераду — па хіміі, у чацвер — па літаратуры.
Лаўрэат прэміі міру будзе абвешчаны ў пятніцу ў Осла (Нарвегія). Там сярод фаварытаў эксперты і букмекеры называюць Святлану Ціханоўскую і Грэту Турнберг, а ўсяго прэтэндуе 329 кандыдатаў (234 з іх — гэта фізічныя асобы, 95 — арганізацыі).
І апошні лаўрэат будзе названы ў наступны панядзелак, гэта лаўрэат прэміі шведскага Дзяржаўнага банка па эканамічных навуках памяці Альфрэда Нобеля.
Нобелеўская прэмія 2021 года прадугледжвае ўзнагароду ў 10 млн шведскіх крон (каля 1,1 млн даляраў).
Ціханоўская выйшла ў лідары рэйтынгаў кандыдатаў на Нобелеўскую прэмію
