Знайсці
03.10.2021 / 22:02

«Цалкам адседзіць тэрмін і зможа ісці куды захоча»: улады Грузіі адмовілі Саакашвілі ў памілаванні

Прэм'ер-міністр Грузіі Іраклій Гарыбашвілі ў інтэрв'ю тэлеканалу «Імедзі» заявіў, што былы прэзідэнт краіны Міхаіл Саакашвілі цалкам адседзіць прызначаны яму тэрмін пазбаўлення волі, піша ТАСС.

Павялічыць

Georgian Interior Ministry Press Service via AP

«Я заяўляю з поўнай адказнасцю, што Саакашвілі цалкам адседзіць свой тэрмін… Калі нават прыедзе да нас любы чалавек планеты і папросіць, пазаве вызваліць яго, сёння ва ўрадзе гэтага ніхто не зробіць», — падкрэсліў Гарыбашвілі.

«Мы гаворым пра чалавека, які быў прэзідэнтам [Грузіі] на працягу дзевяці гадоў. Гэта катастрофа і знявага: чалавек па сваім жаданні адмовіўся ад грамадзянства нашай краіны. Калі ён хоча вярнуцца ва Украіну, ён зможа гэта зрабіць пасля таго, як цалкам адседзіць тэрмін, і зможа ісці куды захоча», — сказаў Гарыбашвілі.

Ён таксама падзякаваў кіраўніку Грузіі Саломе Зурабішвілі, якая раней адмовілася памілаваць Саакашвілі.

Гарыбашвілі ўдакладніў, што на тэрыторыі Грузіі палітык прысуджаны да шасці гадоў турмы.

Саакашвілі затрымалі ў Грузіі 1 кастрычніка. Палітык прыехаў у краіну пасля васьмі гадоў эміграцыі. Ён вярнуўся ў Грузію з Украіны, каб удзельнічаць у пратэсных акцыях пасля выбараў, якія адбыліся 2 кастрычніка.

Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2020 2021 2022
ПН АЎ СР ЧЦ ПТ СБ НД
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31