На анархістаў, якія стаялі з плакатамі Зельцэра каля пасольства Беларусі ў Польшчы, завялі крымінальную справу
Супраць анархістаў распачалі крымінальную справу па ч. 3 арт. 130 (дзеянні, накіраваныя на распальванне сацыяльнай варожасці і варожасці па прыкметах іншай сацыяльнай прыналежнасці) Крымінальнага кодэкса.
Сцвярджаецца, што 29-гадовыя Раман Халілаў і Яўген Жураўскі каля амбасады Беларусі ў Польшчы дэманстравалі розныя матэрыялы, якія змяшчаюць інфармацыю пра Зельцэра і «звесткі, загадзя накіраваныя на распальванне сацыяльнай варожасці, а таксама тыя, што гераізуюць тэрарыстычную дзейнасць».
Паводле інфармацыі МУС, яны як мінімум з 2017 года з'яўляліся актыўнымі ўдзельнікамі анархісцкага руху.
Сцвярджаецца, што адзін з іх, ураджэнец Грузіі, зарэгістраваны ў Віцебскай вобласці, праз сацыяльныя сеткі займаўся вярбоўкай прыхільнікаў анархісцкага руху. А яго аднагодак, ураджэнец Брэстчыны, нібыта выказваў пажаданні, каб у пандэмію ад COVID-19 памерла як мага больш чалавек.
