Маск зноў стаў самым багатым чалавекам у свеце
Заснавальнік касмічнай кампаніі SpaceX і генеральны дырэктар Tesla Ілан Маск выйшаў на першае месца ў рэйтынгу найбагацейшых людзей свету Forbes Real-Time, які абнаўляецца ў рэальным часе.
Wikimedia Commons
Ацэнка багацця Маска перавысіла $200 млрд і склала $203,4 млрд. Капіталізацыю ранейшага лідара Джэфа Безаса Forbes ацаніў у $197,7 млрд.
Рэйтынг мільярдэраў Bloomberg таксама аддае Маску першае месца, але ацэньвае яго ў $213 млрд.
Па салідарнай ацэнцы Forbes і Bloomberg Маск упершыню ў гэтым годзе абагнаў Безаса і стаў самым багатым бізнэсменам у свеце 7 студзеня. У той дзень яго багацце вырасла на $9 млрд і склала $186, 5 млрд. Bloomberg Billionaires Index ацэньваў Маска ў $200 млрд.
Аднак 12 студзеня бізнэсмены зноў памяняліся месцамі ў рэйтынгах: Маск стаў другім з $176,2 млрд, а Безас заняў першы радок з $182,2 млрд.
