Макей у чацвер правёў перамовы з калегамі сямі краін, у тым ліку з Эстоніі і Венгрыі
Падчас Генасамблеі ААН у Нью-Ёрку міністр замежных спраў Беларусі Уладзімір Макей у чацвер сустрэўся з калегамі з сямі краін — Венесуэлы, В'етнама, Мазамбіка, Ямайкі, Эстоніі, Сірыі, Венгрыі, паведамляе прэс-служба МЗС.
Сустрэча з кіраўніком МЗС Венгрыі, mfa.gov.by
Днём раней Макей правёў перамовы з міністрамі Ірана, Нікарагуа, Турцыі, Сербіі і Фінляндыі.
Так, падчас размовы з міністрам замежных спраў Эстоніі Эвай-Марыяй Ліймэтс быў закрануты «шырокі спектр пытанняў, якія знаходзяцца ў сферы ўзаемнага інтарэсу».
Адбылася змястоўная сустрэча з міністрам замежных спраў і знешняга гандлю Венгрыі Петэрам Сіярта. Кіраўнікі знешнепалітычных ведамстваў абмяняліся думкамі па актуальных пытаннях міжнароднага парадку дня і перспектывах паглыблення двухбаковага супрацоўніцтва, паведамляе МЗС.
Міністр замежных спраў Фінляндыі расказаў, пра што гаварыў з Макеем
