«Выглядае стыльна»: Павел Севярынец патэлефанаваў жонцы з калоніі
Палітык, асуджаны на сем гадоў зняволення, патэлефанаваў жонцы з калоніі. Пра гэта Вольга Севярынец напісала ў сваім фэйсбуку.
«Паша ўчора першы раз патэлефанаваў з калоніі! Гэта дзіва, але яны адтуль, і праўда, часам тэлефануюць на вайбер! З відэа. Я яго бачыла на экране тэлефона — дзівосныя, забытыя адчуванні, рукі дагэтуль, здаецца, дрыжаць. Але самае незвычайнае: я б ніколі ў жыцці не падумала, што Севярынец лысы і ў зэкаўскай робе будзе выглядаць так стылёва», — напісала яна.
Адрас Паўла Севярынца наступны: 213004, г. Шклоў, вул. 1-я Заводская д. 8. ВК №17
Паўла затрымалі больш за год таму, 7 чэрвеня 2020 года, пасля пікета на Камароўцы ў падтрымку Святланы і Сяргея Ціханоўскіх.
25 мая 2021 года ў Магілёўскім абласным судзе яго прысудзілі да 7 гадоў калоніі ўзмоцненага рэжыму.
