Расійскі спявак Кай Метаў трапіў у ДТЗ на гродзенскай трасе
Ён ехаў на ўрачыстасці ў Гродна, дзе меўся выступіць на плошчы Леніна на свяце пад назвай «Гродна 3D#адзінства». Таксама быў запланаваны выступ гуртоў «Прэм'ер-міністр» і Vavan.
Здарэнне адбылося ў суботу, 18 верасня, каля 18.00, на 85-м км аўтадарогі Мінск — Гродна. Кіроўца «Таёты» не ўлічыў надвор'е, не справіўся з кіраваннем і ўрэзаўся ў асвятляльную мачту, пасля чаго аўтамабіль апынуўся ў кювеце.
Артыст, які знаходзіўся на заднім сядзенні, быў дастаўлены для абследавання ў бальніцу.
Кай (Кайрат) Метаў нарадзіўся ў 1964-м годзе ў Казахстане, але кар'еру зрабіў у Расіі. Сярод яго так званых хітоў «Где-то далеко ідут дожді», «Мама, я хачу быць піянерам» і «Дай жа мне [шчасця глыток]».
0
0
0
0
0
0
Каментары
Каб пакінуць каментар, калі ласка, актывуйце JavaScript у наладах свайго браўзера
Актывістку руху «Маці-328» пераводзяць з хіміі ў калонію. Яе затрымалі па даносе «пільнага інтэрнаўта»
Каб скарыстацца календаром, калі ласка, актывуйце JavaScript у наладах свайго браўзера