Знайсці
14.09.2021 / 21:21

Навукоўцы перасцерагаюць сусветныя ўрады: рэвакцынацыя можа пагражаць сур'ёзнымі наступствамі 

Група навукоўцаў, сярод якіх кіраўнікі СААЗ, заявілі, што калі пацыентам уводзіць бустарныя дозы вакцын занадта рана ці занадта часта, то гэта можа выклікаць міякардыт або сіндром Гіена-Барэ. Піша РБК. 

Масавая рэвакцынацыя ад каранавіруснай інфекцыі COVID-19 цяпер не з'яўляецца неабходнай і, наадварот, можа прывесці да пабочных эфектаў. Да такой высновы прыйшла міжнародная група навукоўцаў, сярод якіх галоўны навуковы супрацоўнік Сусветнай арганізацыі аховы здароўя (СААЗ) Сум'я Свамінатан і выканаўчы дырэктар праграмы СААЗ па надзвычайных сітуацыях у галіне аховы здароўя Майкл Раян. Іх артыкул апублікаваны ў часопісе The Lancet.

На думку аўтараў даследавання, ранняя рэвакцынацыя ад каранавіруса можа прывесці да пабочных эфектаў. Эксперты падкрэсліваюць, што гэта тычыцца як мРНК-вакцын, так і прэпаратаў на аснове адэнавіруса.

У дакладзе гаворыцца, што калі бустарныя дозы будуць уводзіцца ў арганізм занадта рана ці занадта часта, то гэта можа выклікаць у пацыента міякардыт (у дадзеным выпадку гаворка ідзе аб увядзенні мРНК-вакцын, то-бок прэпаратаў ад кампаній Pfizer і Moderna), а таксама сіндром Гіена-Барэ (тут маюцца на ўвазе вакцыны на аснове адэнавіруса, уключаючы «Спутнік V» і прэпарат ад AstraZeneca).

Навукоўцы сцвярджаюць, што новая хваля COVID-19, выкліканая дэльта-штамам, пагоршыла сусветны крызіс грамадскай аховы здароўя і прымусіла ўрады большасці дзяржаў задумацца аб неабходнасці бустарных доз для вакцынаванага насельніцтва.

«Хоць ідэя далейшага скарачэння колькасці выпадкаў COVID-19 шляхам павышэння імунітэту ў вакцынаваных людзей і прывабная, любое рашэнне аб гэтым павінна грунтавацца на фактычных даных і ўлічваць перавагі і рызыкі для асобных асоб і грамадства», — кажуць эксперты.

Па іх словах, заявы аб тым, што ў найбліжэйшы час можа спатрэбіцца бустарная вакцынацыя, калі яны не будуць пацверджаны надзейнымі данымі і аналізам, могуць адмоўна паўплываць на давер да вакцын і падарваць намаганні першаснай вакцынацыі. 

Аўтары даследавання дадаюць, што рэвакцынацыя можа спатрэбіцца людзям з аслабленым імунітэтам, а таксама тым, у каго не сфармавалася абарона пасля асноўнай вакцынацыі. Разам з тым яны падкрэсліваюць, што калі ў чалавека не сфармаваўся імунітэт пасля першай прышчэпкі, то эфекту ад бустару таксама можа не паўстаць.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2020 2021 2022
ПН АЎ СР ЧЦ ПТ СБ НД
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30