Махляры рассылаюць паведамленні ад імя «Еўраопта» — падманам збіраюць банкаўскія звесткі
«Ад імя «Еўраопта» ў інтэрнэце дзейнічаюць ашуканцы. Невядомыя рассылаюць паведамленні ў месенджарах і прапануюць прайсці апытанне, за якое карыстальнік нібыта атрымае грашовую суму альбо купон на прадукты», — паведамляе гандлёвая сетка і дадае, што падобныя акцыі не праводзіць.
Пры гэтым у «Еўраопце» раяць не пераходзіць па падобных спасылках, а таксама раяць паведаміць гандлёвай сетцы, калі вы атрымалі такое апавяшчэнне.
У телеграм-канале hoster.by пацвердзілі, што ад імя «Еўраопта» хтосьці пачаў фішынгавую рассылку. «Будзьце асцярожныя і глядзіце ўважліва на адрасны радок, — удакладняюць у hoster.by. — Характэрна, што нагрузка на сайт рэальнага «Еўраопта» таксама расце».
Фішынг прадугледжвае стварэнне падробленых сайтаў, куды людзі ўводзяць звесткі картак, а ашуканцы потым спісваюць грошы з рахункаў.