Знайсці
14.09.2021 / 09:25

Бізнэсмен Аляксандр Кныровіч, які месяц таму выйшаў з турмы, з’ехаў з краіны

«Такім чынам, я з'ехаў… Няма і не можа быць ніякай больш важнай каштоўнасці ў жыцці чалавека, чым свабода. Свабода думаць, казаць, рабіць. Не азіраючыся… І гэта штодзённае адчуванне важнейшае за грошы, здароўе, сэкс і сацыяльны статус», — напісаў ён у фэйсбуку.

Павялічыць

«Адзін мой знаёмы, беларускі прадпрымальнік, на днях сказаў мне: «Я жыву, засунуўшы пачуццё ўласнай годнасці сабе ў …». Я так не змагу. Я проста не змагу сябе ўгаварыць. Таму — я з'ехаў. 

Вельмі спадзяюся, што не назаўсёды Усё-такі я вельмі люблю свой горад і ганаруся пераважнай большасцю людзей. Трымайцеся, дарагія мае героі!» — дадаў ён.

Аляксандр Кныровіч — бізнэсовец. Сузаснавальнік групы кампаніяў «Сармат», супольнасці «бізнэс-анёлаў» і венчурных інвестараў «Бавін».

Быў медыяперсонай, калумністам. Востра выказваўся наконт становішча ў краіне. Міністэрства інфармацыі ў 2015 годзе нават заблакавала сайт kyky.org праз некалькі матэрыялаў Кныровіча.

У 2018-м яго прысудзілі да 6 гадоў калоніі ўзмоцненага рэжыму. Кныровіча абвінавацілі ва ўхіленні ад сплаты падаткаў у асабліва буйным памеры і хабары. Праз ягоную незаконную дзейнасць, паводле следства, завышаліся кошты на абсталяванне, што нібыта нават адбілася на коштах ЖКГ. Шкоду ацанілі ў 3,4 мільёна рублёў.

Кныровіч часткова прызнаў віну. Казаў, што намеру ўхіляцца ад сплаты падаткаў не меў.

Апеляцыйны суд скараціў тэрмін зняволення да 5 год.

Пакаранне адбываў у віцебскай калоніі, куды адпраўляюць асуджаных бізнэсоўцаў, былых чыноўнікаў і сілавікоў. У чэрвені 2021 года з гэтай калоніі датэрмінова выйшлі на свабоду акадэмік Бялецкі і былы намеснік міністра аховы здароўя Ласіцкі, асуджаныя за карупцыю.

17 жніўня 2021 года стала вядома пра вызваленне Кныровіча. Тэрмін ягоны пералічылі праз змены ў заканадаўстве. Ён адседзеў 4,5 года.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2020 2021 2022
ПН АЎ СР ЧЦ ПТ СБ НД
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30