Захварэлі на кавід бацькі Паўла і Ганны Севярынцаў. Канстанцін Севярынец у бальніцы на кіслародзе
«Тата зараз у інфекцыйнай бальніцы Віцебска з кавідам, падключылі кісларод. Мама пакуль дома, але таксама моцна захварэўшы», — напісала ў сваім фэйсбуку Ганна Севярынец.
Фота «Новы час»
«Цяпер толькі калі кожнаму з нас будзе трапляцца добры чалавек — толькі тады будзем жыць. … Мы ніколі не ўмелі заводзіць знаёмствы ў патрэбных сферах, няма нам на каго разлічваць, што прыйдзе і неяк па-асабліваму паставіцца, толькі надзея на добрых людзей. Віцебск, дарагі, хай у вас там усё яшчэ трымаюцца адно аднаго добрыя дактары і медсястрычкі», — напісала яна.
Ганна Севярынец просіць не пісаць і не тэлефанаваць бацьку, бо яму цяжка размаўляць, чытаць і пісаць.
Таццяна Севярынец — вядомая грамадская дзяячка, актывістка ТБМ. Канстанцін Севярынец — журналіст, пісьменнік, аўтар кніг для дзяцей.
