Данііл Мядзведзеў адсвяткаваў перамогу на US Open вельмі незвычайным спосабам ФОТАФАКТ
У мужчынскім фінале Адкрытага чэмпіянату ЗША па тэнісе (US Open) расіянін Данііл Мядзведзеў перамог славутага серба Новака Джокавіча — 6:4, 6:4, 6:4.
Перамогу Мядзведзеў адсвяткаваў незвычайна: адразу пасля матчбола ён раптам паваліўся левым бокам на корт і высунуў язык.
The moment @DaniilMedwed did the unthinkable. pic.twitter.com/rucHjhMA63
На цырымоніі ўзнагароджання Мядзведзеў патлумачыў, што ўсё гэта значыла. «Толькі легенды зразумеюць, што я зрабіў у самым канцы. Гэта было L2+Left», — сказаў ён.
L2+Left — гэта камбінацыя кнопак на джойсціку для PlayStation. Калі націснуць яе ў футбольным сімулятары FIFA, то гулец, які забіў гол, адсвяткуе перамогу роўна такім жа падзеннем на полі, якое выканаў Мядзведзеў.
У гульнявым свеце гэты трук называюць dead fish («мёртвая рыба») або brick fall («падзенне цэглы»).