Знайсці
09.09.2021 / 17:53

Пандэмія можа змяніцца твіндэміяй: дактары баяцца адначасовай навалы грыпу і каранавіруса

Медыкі баяцца, што шпіталі не справяцца з вялікай нагрузкай.

Павялічыць

Фота pixabay.com.

Эксперты чакаюць, што сезон грыпу, які надыходзіць, будзе нашмат больш цяжкі, чым у мінулыя гады. Прычына — тое, што шпіталі, і так перапоўненыя праз распаўсюд штама кавіду «дэльта», могуць не вытрымаць павышанай нагрузкі.

Рост захворванняў на грып таксама можа пачацца раней, чым звычайна, і закрануць большую колькасць людзей, бо шмат людзей працавалі з дому і пазбягалі камунікацыі з іншымі. Гэта перашкодзіла ім выпрацаваць прыродную імунную абарону супраць хвароб, тлумачыць Wall Street Journal.

Уільям Шафнер, прафесар аддзялення інфекцыйных хвароб з амерыканскага ўніверсітэта Вандэрбільта, кажа, што ў самым горшым выпадку нас можа чакаць сапраўдная твіндэмія, калі спатрэбіцца змагацца з грыпам на адным узроўні з кавідам. Па словах Шафнера і шэрагу іншых экспертаў, гэтаму можа спрыяць некалькі фактараў, але пакуль цяжка прадказаць, наколькі напружаным будзе сезон грыпу.

Сярод такіх фактараў ёсць тое, што шмат дзяцей вяртаецца ў школы, дзе яны могуць падхопліваць інфекцыі ці распаўсюджваць іх. Дарослыя, у сваю чаргу, адмаўляюцца ад прышчэпак супраць грыпу, бо ўжо атрымалі супрацькавідную вакцыну і не хочаць іншых прышчэпак.

У дадатак, шмат людзей больш не выкарыстоўваюць маскі і іншыя сродкі індывідуальнай абароны, якія не толькі стрымлівалі распаўсюд кавіду, але і дапамагалі змагацца з іншымі інфекцыямі. Сёлетнія прышчэпкі ад грыпу таксама могуць быць менш эфектыўнымі, чым звычайна, бо ў гэтым годзе вірус цыркуліраваў сярод насельніцтва не надта актыўна, таму даследчыкам больш цяжка зразумець, супраць якіх штамаў грыпу павінна абараняць сёлетняя вакцына.

Амерыканскія ўлады спадзяюцца, што вакцынацыя супраць грыпу дапаможа трымаць сітуацыю пад кантролем. Агенцтва «Цэнтры па кантролю і прафілактыцы захворванняў ЗША» сцвярджае, што вакцыны ад кавіду і грыпу можна ўводзіць адначасова, і плануе лічбавую кампанію, каб матывіраваць людзей атрымаць прышчэпку. Таксама агенцтва выдзяляе больш за 150 мільёнаў даляраў, каб падтрымаць кампаніі на розных узроўнях, накіраваныя на павышэнне ўпэўненасці ў вакцынах супраць кавіду і грыпу сярод расавых і этнічных меншасцяў у ЗША.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2020 2021 2022
ПН АЎ СР ЧЦ ПТ СБ НД
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30