Знайсці
08.09.2021 / 08:21

Дзяржава падарыла прыватнай ахоўнай структуры тры гектары зямлі і 2200 «квадратаў»

Як стала вядома «Нашай Ніве», нядаўна таямнічая прыватная ахоўная арганізацыя «ГардСэрвіс» атрымала ад дзяржавы шчодры падарунак — на безвыплатнай аснове фірме падораны вялікі комплекс, які раней належаў БФСА «Дынама». 

БФСА «Дынама» курыруецца Саветам бяспекі і мае дзесяць заснавальнікаў: МУС, Пагранічны камітэт, Пракуратуру, МНС, Мытны камітэт, ДФР, КДБ, Службу бяспекі прэзідэнта, СК, Дзяржкамітэт судовых экспертыз. 

Да нядаўняга часу БФСА «Дынама» ў Мінску належаў вялікі комплекс па вуліцы Карвата, 85 разам з прылеглай тэрыторыяй у 3,6 гектара.

Павялічыць

Выгляд будынка з тэрыторыяй са спадарожніка

Але летам зямля разам з будынкамі адышла прыватнай структуры «ГардСэрвіс». У кадастры значыцца, што мэтавае прызначэнне ўчастка ў чэрвені змянілася. Цяпер ён служыць «для абслугоўвання аб'екта будаўніцтва «Узвядзенне вучэбна-трэніровачнага комплекса».

Сам будынак плошчай 2196 кватратных метраў таксама належыць «ГардСэрвісу». У апісанні сказана, што на тэрыторыі маецца тэнісны корт, трэніровачная пляцоўка, атлетычны сектар, футбольнае поле і інш. 

Павялічыць

Падстава рэгістрацыі: «Дамова паміж БСФА «Дынама» і Таварыствам з абмежаванай адказнасцю «ГардСэрвіс» ад 04.09.2020 №02.01-02/48сп аб прадастаўленні бязвыплатнай (спонсарскай) дапамогі». 

Колькі каштуе такі ўчастак, сказаць складана, бо звычайна пытанне коштаў вырашаецца ў залежнасці ад таго, у якіх мэтах будзе выкарыстоўвацца зямля.

Напрыклад, у гэтым жа раёне прадаюць 7 сотак за $90 тысяч пад будаўніцтва прыватнага дома. Калі экстрапаляваць, то 3,6 гектара па такіх цэнах каштавалі б каля $4,6 мільёна даляраў.

Між тым, плошча будынка сувымерная з асобнымі карпусамі Ваеннай акадэміі. Колькі ён каштуе, падлічыць яшчэ больш складана. Вядома, што ў пэўны час кіраўніцтва БФСА «Дынама» мела ідэю стварыць на базе гэтай тэрыторыі цэнтр для падрыхтоўкі замежнага спецназа. 

Агулам жа комплекс выкарыстоўваўся для трэніровак беларускіх спецыяльных атрадаў. 

Павялічыць

Нам не ўдалося звязацца з кіраўніцтвам БФСА «Дынама», каб праясніць абставіны дзіўнага падарунка: выпадкі, калі дзяржава дорыць такую колькасць уласнасці, сапраўды рэдкія і ўнікальныя.

«ГардСэрвіс» — першая прыватная ахоўная арганізацыя, супрацоўнікі якой, згодна з указам Лукашэнкі №277, маюць права на нашэнне і ўжыванне баявой зброі. 

Эксперты сыходзяцца на думцы, што дзейнасць арганізацыі накіраваная на замежжа — ахову тых беларускіх аб'ектаў у Лацінскай Амерыцы і Афрыцы, для аховы якіх немагчыма прыцягнуць рэгулярныя сілы. 

Арцём Гарбацэвіч

Хочаш падзяліцца важнай інфармацыяй
ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2020 2021 2022
ПН АЎ СР ЧЦ ПТ СБ НД
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30