Знайсці
07.09.2021 / 12:13РусŁacБел

Легендзе футбола Пеле выдалілі пухліну ў кішэчніку

Чакаецца, што сёння бразільца перавядуць з рэанімацыі ў звычайную палату.

Знакаміты экс-футбаліст Пеле абвясціў 6 верасня, што ён знаходзіцца ў шпіталі. У сацыяльных сетках бразілец патлумачыў, што ён праходзіць аднаўленне пасля аперацыі па выдаленні пухліны ў кішэчніку.

80-гадовы экс-гулец, адзіны ў свеце трохразовы чэмпіён свету, напісаў, што адчувае сябе добра, піша Guardian.

Шпіталь імя Альберта Эйнштэйна ў бразільскім Сан-Паўлу абвясціў, што пакуль Пеле знаходзіцца ў аддзяленні інтэнсіўнай тэрапіі. Але 7 верасня бразільца плануюць перавесці ў звычайную палату. Пухліну, выдаленую падчас аперацыі, даслалі на аналіз.

Раней з’яўляліся звесткі пра тое, што бразілец страчваў прытомнасць, а таксама пра тое, што ён пакутуе на дэпрэсію, аднак Пеле ўсё абвяргаў.

Падчас футбольнай кар’еры Пеле быў вядомы як гулец, які рэдка атрымлівае траўмы. Але цяпер ужо шмат гадоў ён мае праблемы са сцягном і не можа хадзіць без дапамогі. З пачатку пандэміі кавіду Пеле амаль што не з’яўляецца на публіцы.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера