Знайсці
01.09.2021 / 16:46РусŁacБел

Кіраўнік Мінздароўя: Прагназуецца рост захворвання на COVID-19

Міністр аховы здароўя Беларусі Дзмітрый Піневіч заявіў, што ў краіне, нягледзячы на прагназаваны ўздым захворвання на каранавірус, не чакаецца звязаных з гэтым цяжкасцяў, паведамляе БелТА.

— Тое, што мы ўваходзім у сезон уздыму, пра гэта казалі. Усе вярнуліся з адпачынкаў, у аўдыторыі, людзі залатога ўзросту — з прысядзібных участкаў. Сацыяльнае дыстанцыяванне будзе змяншацца. Да таго ж ад надвор'я нікуды не пойдзеш. Мяркуем, што рост будзе, безумоўна, але якіх-небудзь складаных сітуацый я не бачу, — адзначыў кіраўнік Міністэрства аховы здароўя.

Піневіч таксама пракаментаваў працэс вакцынацыі насельніцтва ад COVID-19. Студэнцкай моладзі і навучэнцам у ССНУ, старэйшым за 18 гадоў, будзе прапанавана прышчапіцца прэпаратам «Спутнік Лайт». Паступае таксама вакцына кітайскай вытворчасці.

— Вакцыны дастаткова. Пытанне толькі ў тым, як мы пераканаем усіх, што вакцынавацца трэба, — сказаў міністр аховы здароўя.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера