Першы прэзідэнт Кыргызстана Акаеў добраахвотна вярнуўся ў Бішкек. Ён быў абвешчаны ў вышук
Аскар Акаеў прыбыў у Бішкек, адкуль ён збег у 2005 годзе падчас так званай «цюльпанавай рэвалюцыі».
akipress.org
Акаеў дастаўлены ў будынак спецслужбы, «дзе з яго ўдзелам праводзяцца неабходныя следчыя дзеянні ў рамках крымінальнай справы», паведамляе 24.kg.
Акаеў прыбыў у Бішкек самалётам «Аэрафлота» разам з сынам Ілімам.
У пачатку ліпеня старшыня Дзяржкамітэта нацыянальнай бяспекі Камчыбек Ташыеў заявіў, што Акаеў абвешчаны ў вышук за злоўжыванне службовым становішчам.
Гаворка ідзе аб заключэнні пагаднення з канадскай «Камека» ў 1992 годзе. Тады кампанія без конкурсу атрымала правы на распрацоўку найбуйнейшага ў рэгіёне залатаруднага радовішча Кумтор (прыблізная ацэнка запасаў золата — 700 т).
У праваахоўных органах лічаць, што дагавор быў нявыгадным для Кыргызстана.
