У Ваўкавыскім раёне ўводзяць дадатковыя меры па барацьбе з каранавірусам
У Ваўкавыскім раёне ўзмоцняць масачны рэжым.
Пра гэта паведаміла мясцовае выданне «Наш час» са спасылкай на галоўнага санітарнага доктара раёна Максіма Жуковіча.
«У сувязі з ростам захворвання на каранавірусную інфекцыю на тэрыторыі Ваўкавыскага раёна, ростам рэгістрацыі выпадкаў пнеўманіі і захоўваннем эпідэміялагічна напружанага ўзроўню захворвання на ВРІ на тэрыторыі раёна ўводзяцца дадатковыя мерапрыемствы па ўзмацненні захавання «масачнага рэжыму» ў ўмесцах масавага знаходжання грамадзян», гаворыцца ў паведамленнні.
З 9 жніўня года ўступаюць у сілу змены, унесеныя ў комплексны план мерапрыемстваў па прадухіленні распаўсюду інфекцыі COVID-19 у Ваўкавыскім раёне.
У аб'ектах гандлю, бытавога абслугоўвання і іншых месцах, дзе немагчыма альбо цяжка забяспечыць сацыяльнае дыстанцыяванне, людзей без масак не будуць абслугоўваць.
Раней аналагічныя меры былі ўведзены ў Лідскім раёне.
