Ізраіль першым у свеце пачаў масавую вакцынацыю трэцяй дозай Pfizer
Улады Ізраіля абвясцілі пра старт масавай рэвакцынацыі ад каранавіруса ў краіне. Гэта першая дзяржава ў свеце, што пайшла на такі крок.
Трэцюю дозу вакцыны Pfizer/BioNTech змогуць атрымаць людзі старэйшыя за 60 гадоў, якія завяршылі курс вакцынацыі двума дозамі не менш за пяць месяцаў таму, піша meduza.io.
Улады патлумачылі неабходнасць рэвакцынацыі распаўсюджваннем у краіне штаму дэльта.
Ізраіль быў адным лідараў сярод усіх краін свету па тэмпах вакцынацыі ў пачатку года. Ужо да красавіка там былі прышчэплены 60% насельніцтва.
Але ў апошні месяц у Ізраілі з-за распаўсюджвання штаму дэльта захворванне рэзка вырасла — зараз у 10-мільённай краіне рэгіструецца каля дзвюх тысяч выпадкаў у дзень. У чэрвені штодня хварэлі толькі некалькі дзясяткаў чалавек.
