Знайсці
23.06.2021 / 14:01РусŁacБел

Сям'ю гродзенскага музыкі і журналіста Алеся Дзянісава выклікалі ў СК

Гродзенскі журналіст Алесь Дзянісаў разам з жонкай Наталляй і дачкой Дар’яй 22 чэрвеня наведаў упраўленне Следчага камітэта па Гродзенскай вобласці. Сям’ю Дзянісавых выклікалі ў СК у якасці сведак па крымінальнай справе «Паўла Мажэйкі — Алеся Пушкіна», паведамляе БАЖ.

Алесь Дзянісаў

Алесь Дзянісаў некалькі гадзін даваў паказанні і цяпер знаходзіцца пад падпіскай аб неразгалошванні справы.

Нагадаем, што 26 сакавіка пракуратура Гродна завяла крымінальную справу ў дачыненні да кіраўніка «Цэнтра гарадскога жыцця» Паўла Мажэйкі і мастака Алеся Пушкіна. Іх абвінавачваюць «у здзяйсненні наўмысных дзеянняў, накіраваных на рэабілітацыю і апраўданне нацызму» (ч. 3 арт. 130 Крымінальнага кодэкса). На выставе ў Цэнтры быў партрэт антысавецкага партызана Яўгена Жыхара, у гэтым пабачылі гераізацыю нацызму. Так заключыла камісія прадстаўнікоў Гродзенскага дзяржаўнага ўніверсітэта.

Пасля гэтага Эканамічны суд Гродзенскай вобласці пастанавіў ліквідаваць «Цэнтр гарадскога жыцця». Павел Мажэйка абавязаны выканаць гэтае патрабаванне суда да 12 жніўня.

NN.by

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера