Знайсці
21.06.2021 / 15:12

Кіраўнік Еўрапейскай рады: Вызваліце ўсіх палітычных зняволеных, спыніце рэпрэсіі, пачніце дыялог

Кіраўнік Еўрапейскай рады Шарль Мішэль звярнуўся да беларускіх уладаў з кароткім пасланнем.

«Сёння ЕС пасылае яшчэ адзін моцны сігнал падтрымкі народу Беларусі, уводзячы далейшыя абмежавальныя меры», — напісаў ён.

«Наша пасланне рэжыму Лукашэнкі нельга зразумець інакш, — адзначыў Шарль Мішэль. — Вызваліце ўсіх палітычных зняволеных. Спыніце далейшыя рэпрэсіі. Пачніце інклюзіўны нацыянальны дыялог», — заклікаў ён.

Пад «інклюзіўным» разумеецца дыялог з удзелам апазіцыі, а не яго імітацыя з Васкрасенскім, Гайдукевічам і т. п.

Еўрапейскія інфармацыйныя агенцтвы паведамляюць, што краіны Еўрасаюза ўзгаднілі санкцыі супраць Беларусі ў нафтагазавай сферы, банкаўскай галіне і вытворчасці калійных угнаенняў. Узгодненая забарона на выдачу Беларусі крэдытаў, гандаль каштоўнымі паперамі і інвестыцыйныя паслугі.

Упершыню супраць Беларусі будуць уведзеныя сектаральныя санкцыі. Раней абмежавальныя меры ЕС насілі пераважна сімвалічны характар візавых санкцый.

Адносіны Беларусі і краін Еўрасаюза рэзка пагоршалі пасля выбараў 2020 года, якія суправаджаліся арыштамі спачатку палітычных апанентаў Аляксандра Лукашэнкі, а пасля і дэманстрантаў, якія патрабавалі расследавання выбарчых фальсіфікацый. 

У Беларусі нарастала антызаходняя прапаганда, а некаторых палітычных праціўнікаў уладаў, якія знайшлі прытулак у краінах ЕС, Мінск абвясціў тэрарыстамі.

Адносіны Беларусі з краінамі ЕС дасягнулі найніжэйшага пункту пасля забароны партала Tut.by 18 мая і пасадкі самалёта кампаніі «Раянэйр» у Мінску 23 мая. У Еўропе гэты інцыдэнт назвалі «актам дзяржаўнага тэрарызму» і паабяцалі хуткі і строгі адказ.

Мінск пагражаў адказаць эканамічнымі мерамі супраць еўрапейскага бізнэсу. Міністр замежных спраў Беларусі Уладзімір Макей таксама намякаў, што пад ударам акажацца грамадзянская супольнасць Беларусі і заклікаў Захад «адумацца».

NN.by

Хочаш падзяліцца важнай інфармацыяй
ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2020 2021 2022
ПН АЎ СР ЧЦ ПТ СБ НД
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31