Знайсці
17.06.2021 / 13:14РусŁacБел

Што значыць kumbaya moment, пра які згадаў Байдэн?

Kumbaya moment — не самы просты выраз для перакладчыкаў.

На прэс-канферэнцыі пасля саміту ў Жэневе Джо Байдэн пераказаў свае словы Пуціну: «This is not a kumbaya moment. Але гэта відавочна не ў інтарэсе нічыім, ні вашай краіны, ні маёй, каб мы прыйшлі да сітуацыі новай халоднай вайны».

Kumbaya moment — не самы просты выраз для перакладчыкаў.

Гэта амерыканская ідыёма, якая абазначае моманты гармоніі, ці адзінства, ці намаганні разам дасягнуць гармоніі.

Выраз kumbaya паходзіць з афраамерыканскай песні ў стылі spiritual, якую спявалі на крэольскай гаворцы на паўднёвым усходзе ЗША. У пераказе на чыстай англійскай песня называлася Oh Lord, Won’t You Come By Here — «О Госпадзе, ці не зойдзеш ты сюды?» Гэтае Come By Here — просьба, каб Бог умяшаўся, не прамінуў — вымаўлялася афраамерыканцамі як kumbaya. А ў ідыёму гэтае слова ўвайшло як пошук гармоніі.

Англійская мова інтэнсіўна развіваецца, штогод у яе ўваходзяць сотні новых слоў, яны прыходзяць са слэнгу, рэгіяналізмаў, музычных і літаратурных тэкстаў.

NN.by

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера