Знайсці
19.01.2021 / 17:41

Светлагорскія рабочыя трапілі ў бальніцу пасля змены на заводзе. Завод абвяргае інфармацыю аб атручэнні хлорам

Пасля змены на заводзе двое рабочых падраднай арганізацыі апынуліся ў бальніцы. Па словах жонкі аднаго з іх, мужчыны маглі атруціцца хлорам. Міліцыя праводзіць праверку, піша «Ранак».

— У суботу (16 студзеня — заўв. рэд) муж прыйшоў з працы і ў яго пачалася ваніты, стаў задыхацца, — распавядае жонка пацярпелага. — Я выклікала «хуткую». Медыкі аказалі першую дапамогу і забралі мужа ў бальніцу. Пра тое, што здарылася, я паведаміла яго кіраўніцтву (у падрадную арганізацыю — заўв. рэд.). Напарнік мужа звярнуўся па дапамогу да медыкаў на наступны дзень, калі яму стала горш. Пасля гэтага нам тэлефанавалі майстар, начальства, выказвалі занепакоенасць. Як развіваліся падзеі на самім заводзе, не ведаю. Але пасля змены мужа там павінна была працаваць наступная змена ад іх арганізацыі.

Па словах жанчыны, брыгада з чатырох чалавек, у якой быў і яе муж, займалася рамонтам у варачным цэху ААТ «Светлагорскі ЦКК» на працягу тыдня, змена — восем гадзін.

— З-за марозу памяшканне не адкрывалі, — працягвае жанчына. — Ён пасля працы ў гэтым неправетраным цэху пакашліваў. Падчас суботняй змены муж адчуў моцны пах хлору ў цэху, паведаміў майстру. Там сталі нешта рабіць, прагучала фраза «перавышэнне хлору». Брыгада працавала ў рэспіратарах, якія абараняюць хіба што ад пылу. Такой абароны, як у рабочых ЦКК, у іх не было.

Цяпер, кажа жанчына, муж адчувае сябе здавальняюча. Аб шпіталізаваных з прыкметамі атручвання мужчынах медыкі паведамілі ў РАУС. З пацярпелымі меў зносіны міліцыянер.

У сваю чаргу Светлагорскі ЦКК абвяргае інфармацыю аб атручэнні людзей хлорам.

«Адміністрацыя ААТ «Светлагорскі ЦКК» паведамляе, што размешчаная ў інтэрнэце 19 студзеня інфармацыя аб атручэнні работнікаў падраднай арганізацыі хлорам падчас рамонтных работ на заводзе беленай цэлюлозы з'яўляецца недакладнай. Элементарны хлор у вытворчасці беленай цэлюлозы па метадзе ECF не выкарыстоўваецца і не ўтвараецца», — гаворыцца ў паведамленні.

Вытворчасць беленай цэлюлозы працавала ў выхадныя дні і працягвае працаваць у штатным рэжыме, заявілі на заводзе.

Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2020 2021 2022
ПН АЎ СР ЧЦ ПТ СБ НД
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30