Знайсці
14.01.2021 / 13:57РусŁacБел

На дзяўчыну журналіста Андрэя Аляксандрава таксама завялі крымінальную справу

Журналіст і медыяменеджар Андрэй Аляксандраў быў затрыманы 12 студзеня. Разам з ім на сувязь перастала выходзіць і яго дзяўчына Ірына Злобіна.

Ірына Злобіна, фота з сацсетак

Да вечара стала вядома, што Аляксандраў праходзіць падазраваным па крымінальнай справе. Сёння сястра Злобінай паведаміла БелаПАН, што Ірына таксама праходзіць па крымінальнай справе, піша Tut.by.

Ірына і Аляксандр жылі разам. Дзяўчына скончыла факультэт філасофіі і сацыяльных навук БДУ. Апошнія гады займалася сваім невялікім бізнэсам - кветкі і вытворчасць сувеніраў. Сёння сястра Ірыны была ў следчага.

Ёй паведамілі, што Ірына з'яўляецца падазраванай па крымінальнай справе, але не канкрэтызавалі, па якой.

— Мы напісалі ліст з просьбай даць інфармацыю. 15 дзён будуць даваць адказ — сказала сястра Злобінай. Атрымаць каментар у СК Tut.by не атрымалася.

Нагадаем, учора стала вядома, што Андрэй Аляксандраў праходзіць падазраваным паводле арт. 342 КК «Арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх».

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера