Знайсці
05.01.2021 / 12:48РусŁacБел

Кіраўнік Акадэміі навук: Роля навукі — быць разам з уладай

БелТА

Старшыня Прэзідыума Нацыянальнай акадэміі навук Беларусі Уладзімір Гусакоў выступіў на апаратнай нарадзе па выніках 2020 года. Значная частка яго даклада была прысвечана пытанню супрацоўніцтва навукоўцаў і ўлады. Dev.by змяшчае асобныя тэзісы.

«Трэба вельмі цесна працаваць з усімі органамі дзяржкіравання, з уладай на аўтарытэт краіны. Ні ў якім выпадку не дапускаць ніякіх несанкцыянаваных дзеянняў і праяў.

Я асабліва ўдзячны шматлікім кіраўнікам нашых акадэмічных арганізацый за іх правільную грамадзянскую пазіцыю, за недапушчэнне супрацьстаяння навукоўцаў і ўлады.

Роля навукі — быць разам з уладай.

Тое, што мы не дапусцілі расхіствання Акадэміі навук, яе развалу, утрымалі навукоўцаў, у гэтым вялікая заслуга ўсяго кіруючага складу Акадэміі. Мы захавалі Акадэмію і яе кадравы патэнцыял і гатовыя і далей працаваць з кіраўніцтвам краіны і на эканоміку краіны.

Таксама кіраўнік НАН падзяліўся планамі на будучыню.

Сярод прыярытэтаў:

— беларускі айчынны электрамабіль (вытворчасць даўно наспела і нельга марудзіць);

— свой акадэмічны міні-парк высокіх тэхналогій, дзе ўсё праграмнае забеспячэнне стваралася б сіламі акадэмічных навукоўцаў;

— айчынныя распрацоўкі ў галіне штучнага інтэлекту і на іх базе закончаныя сістэмы па цыфравізацыі, робататэхніцы, стварэнні «разумных» вытворчасцяў, гарадоў, нейронавых сетак і камунікацый (гэта значыць мець сваю «разумную» медыцыну, «разумную» сельскую гаспадарку, «разумную» сферу сэрвісу, «разумную» сістэму адукацыі і нават «разумную» навуку).

NN.by

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера