Ванда Марцінш душ Рэйш. Шаткаванне капусты. Верш
Зранку румзае дожджык цыбаты
Сіратой пры паўночных вятрах.
Тхне парфумай капусты хата —
Звыклы позняй восені пах.
Патыхае кмен водарам лугу,
Морквы свецяць, як сонца, скрылькі.
Па стале разляцеліся кругам
Трапяткіх журавін матылькі.
Хай капустка задасца хрусткай,
Як забрузне пад гнётам квас!
Галаву завязаўшы хусткай,
Нам вядзьмарыць не ў першы раз.
А зімою настойліва гэтак,
Аж закруціцца галава,
Зноў зацягне думкамі ў лета
Шаткаванай капусты дрыгва.
Каментары
Каб пакінуць каментар, калі ласка, актывуйце JavaScript у наладах свайго браўзера
Жонка айцішніка скардзіцца, як ім цяжка ў эміграцыі
 3
Выратавальнік з Адэсы са знакамітага фота распавёў пра свой працоўны дзень 15 сакавіка пасля абстрэлу горада
 1
У Гомелі бацькі назвалі сына Космас
 10
Астравец, Столін, Жабінка — рэйтынг беларускіх гарадоў, у якіх насельніцтва павялічваецца насуперак усяму
 2
Каб скарыстацца календаром, калі ласка, актывуйце JavaScript у наладах свайго браўзера