Знайсці
31.07.2020 / 18:58

Ціханоўская сустрэлася з выбаршчыкамі ў Лідзе ВІДЭА, ФОТА

Павялічыць

Кандыдат на пасаду прэзідэнта Святлана Ціханоўская разам з членамі свайго штаба працягвае сваё турнэ па гарадах заходняй Беларусі. Сёння яна ўжо наведала Смаргонь і Маладзечна. Апошнім горадам сёння стала 100-тысячная Ліда. На мітынг тут сабралася больш за 2500 чалавек.

Мерапрыемства распачалося а 19:00 на плошчы каля Гандлёвага цэнтра «Патсдам», вуліца Лётная. Пад сустрэчу ўлады выдзелілі не самае зручнае месца для масавых мерапрыемстваў. 

Ідзе дождж. На сустрэчы шмат сімволікі, у першую чаргу нацыянальнай.

«Верым, можам, пераможам!» — скандуюць людзі.

Павялічыць

Карэспандэнт НН паведамляе, што акрамя беларускіх сцягоў ёсць яшчэ некалькі польскіх. Ліда — адзін з цэнтраў пражывання польскай меншасці.

Павялічыць

Павялічыць

Павялічыць

Павялічыць

Удзельнікі мітынгу цёпла, з крыкамі «Малайчына!» сустрэлі звольненага лідскага фельчара.

Ціханоўская з'явілася на пляцоўцы ў 19:50 пад песню «Муры». Памылкова крыкнула: «Ну прывітанне, Слуцк!» Людзі адрэагавалі на гэты канфуз з разуменнем і смехам.

Ціханоўская пачала сваю прамову са слоў салідарнасці з палітвязнямі.

Потым яна традыцыйна звярнулася да пенсіянераў: «Пенсію вам плаціць не прэзідэнт. Пенсію плацяць вашы дзеці і ўнукі, пенсію вы зарабілі сваёй працай».

Павялічыць

Павялічыць

Павялічыць

Адна з жанчын папрасіла паабяцаць, што вярнуць нацыянальную сімволіку.

«Паабяцайце, паабяцайце», — сказала яна падчас выступлення Марыі Калеснікавай.

Калеснікава паабяцала, што будзе вернутая Канстытуцыя 1994 года і будуць праведзены новыя сумленныя выбары.

На мітынгу відаць таксама сцяг дэсантнікаў і сцяг ЕС. Нехта падняў нават сцяг Расіі.

Павялічыць

Выступы Марыны Калеснікавай і Веранікі Цапкала практычна не адрозніваліся ад папярэдніх іх выступаў у іншых гарадах.

Бліжэй да 21:00 пад песню «Муры» Ціханоўская разам са сваім штабам пачала развітвацца з гараджанамі.

Ціханоўская сказала, што Ліда стала для яе асаблівым горадам, паколькі звольнены лідскі фельчар, якому ўсёй краінай сабралі грошы, стаў сімвалам салідарнасці беларусаў.

А 21-й гадзіне людзі пачалі разыходзіцца, мітынг завяршыўся.

А вось некалькі кадраў з Маладзечна і Смаргоні:

Павялічыць

Павялічыць

Павялічыць

Павялічыць

NN.by

Хочаш падзяліцца важнай інфармацыяй
ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2020 2021 2022
верасень кастрычнік лістапад
ПН АЎ СР ЧЦ ПТ СБ НД
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31