Знайсці
31.07.2020 / 15:388РусŁacБел

Ціханоўская сабрала стадыён у Маладзечне ФОТА, ВІДЭА

Каля 3500 чалавек сабраліся на гарадскі стадыён у Маладзечне на сустрэчу са Святланай Ціханоўскай.

Глядзіце, як выглядала чарга на мітынг:

Вось відэастрым з Маладзечна:

Карэспандэнты «Нашай Нівы» паведамляюць з месца мітынгу.

Вось што нам сказаў жыхар Маладзечна ў чарзе:

Сёння кандыдат у прэзідэнты Святлана Ціханоўская здзяйсняе турнэ па заходняй частцы Беларусі.

Маладзечна — 95-тысячны горад на паўночным захадзе Беларусі.

Як стала вядома «Нашай Ніве» з дзвюх крыніц, супрацоўнікі бюджэтнай сферы Маладзечна атрымалі ўказанне адправіць на стадыён сваіх людзей.

Як чакаецца, яны павінны будуць у час мітынгу выказаць нязгоду, а пасля дэманстратыўна сысці.

У прыватнасці, ад кожнай школы завучы абавязаныя прывесці па шэсць чалавек.

Як перадае карэспандэнт «Нашай Нівы» з Маладзечна, сапраўды, на стадыёне фіксаваліся адасобленыя групкі жанчын з маскамі на тварах, якія кучкуюцца і адмаўляюцца гаварыць з прэсай.

Здаецца, ідэя дэмаршу не вельмі спрацавала. У «купках» карэспандэнты «Нашай Нівы» налічылі толькі 25 чалавек. І яны сапраўды сышлі неўзабаве пасля пачатку мітынгу — але моўчкі і цішкам.

А гэтыя жанчыны кучкуюцца асобна.

Па стане на 15.40 сотні чалавек людзей усё яшчэ чакаюць у чэргах праходу на стадыён. Нагадаем, што ад 30 ліпеня ўлады ўвялі праверку наведнікаў мітынгаў металашукальнікамі.

Змест прамовы Ціханоўскай мала адрозніваўся ад папярэдніх. Яна звярнулася да пенсіянераў і патлумачыла ім, што пенсіі плаціць не прэзідэнт, грошы на пенсіі ідуць з падаткаў.

Ціханоўская паабяцала вызваліць палітычных і эканамічных вязняў, вярнуць дэмакратычную Канстытуцыю 1994 года і правесці новыя дэмакратычныя выбары.

Сімволіка, якую раздае штаб, — маленькія бел-чырвона-белыя сцяжкі з Пагоняй. Дзясяткі такіх сцяжкоў лунаюць над натоўпам.

Мітынг завяршыўся прыкладна ў 17:15, Ціханоўская пакідала стадыён пад апладысменты, людзі хацелі з ёй сфатаграфавацца.

* * *

Фінальным пунктам пятніцы стане мітынг у Лідзе. Ён мае распачацца а 19:00 на плошчы каля Гандлёвага цэнтра «Патсдам», вуліца Лётная.

Чытайце таксама: Па-сямейнаму. Заходняе турнэ Ціханоўскай пачалося з абедзеннага мітынгу ў Смаргоні ВІДЭА, ФОТА

70 тысяч чалавек выйшлі на мітынг у падтрымку Ціханоўскай у Мінску

Ягор Марціновіч, Арцём Гарбацэвіч, Надзея Бужан

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера