Лукашэнка пра медыкаў: Зайшла, заразілася, панесла заразу ў грамадства
На сённяшняй нарадзе па барацьбе з каранавірусам Лукашэнка згадаў дактароў, перадае sb.by.
— Мы пачыналі гэтую барацьбу толькі сіламі Міністэрства аховы здароўя. І з нейкай такой расслабленасці нашых лекараў. Я б сказаў, што ў асобных выпадках — расхлябанасці. І гэта прывяло да таго, што мы атрымалі гэтую заразу ў некалькіх дзясяткаў лекараў. І нам давялося лячыць лекараў. Таму ніякай расхлябанасці! За гэта міністр адкажа галавой разам з профільным віцэ-прэм'ерам і ўрадам ў цэлым.
Разбярыцеся: як лечаць людзей у бальніцах з пункту гледжання бяспекі медыцынскага персаналу? Мяне інфармуюць да гэтага часу, што «ай, няхай, зараз зайду, што-небудзь зраблю». Зайшла, заразілася, панесла заразу ў грамадства. Не павінна быць расхлябанасці. Збярыцеся там, дзе трэба сабрацца. Тады мы пройдзем роўна, спакойна. Так, як ідзе сёння гэта захворванне.
