Іранскія студэнты адмовіліся таптаць сцягі ЗША і Ізраіля ВІДЭА
Натоўп студэнтаў-пратэстоўцаў ля Універсітэта Бехешці ў Іране адмовіўся таптаць гіганцкія сцягі ЗША і Ізраіля, якія былі намаляваныя на зямлі.
Really interesting.
Iranian students during anti-govt protests refuse to step on Israeli and American flags printed by the local authorities on the road pic.twitter.com/gFfFho62vT
Сцягі былі намаляваныя на зямлі, каб тыя, хто ішоў па маршруце, зневажалі абедзве краіны — іх урад Ірана лічыць ворагамі.
Адмову ад таптання сцягоў Ізраіля і ЗША іранскімі студэнтамі можна ўспрымаць як форму пратэсту і непадпарадкавання мясцовым уладам.
Тысячы пратэстоўцаў, што выгуквалі антыўрадавыя лозунгі, выйшлі на вуліцы пасля таго, як іранскія вайскоўцы прызналі, што яны памылкова збілі пасажырскі самалёт.
Такія паводзіны іранскіх студэнтаў ацаніў прэзідэнт ЗША Дональд Трамп.
«Ваў! Выдатныя іранскія пратэстоўцы адмовіліся таптаць або нейкім чынам чарніць наш Вялікі Амерыканскі Сцяг. Яго намалявалі на вуліцы, каб яны тапталі яго, а замест гэтага яны абышлі яго. Вялікі прагрэс!» — напісаў прэзідэнт ЗША ў твітары.
Wow! The wonderful Iranian protesters refused to step on, or in any way denigrate, our Great American Flag. It was put on the street in order for them to trample it, and they walked around it instead. Big progress!
