Знайсці
02.08.2018 / 11:158РусŁacБел

Расіянкі Бех, Рассказава і Маскаленка былі запрошаны беларускай федэрацыяй, але будуць выступаць за Украіну

Склад жаночай зборнай Украіны па біятлоне ў хуткім часе папоўніцца трыма расіянкамі. Прэзідэнт Федэрацыі біятлону Украіны Уладзімір Брынзак пракаментаваў натуралізацыю Кацярыны Бех, Анастасіі Расказавай і Аксаны Маскаленка. Пра гэта піша беларуская «Трыбуна».

«Гэтыя тры дзяўчынкі былі запрошаны беларускай федэрацыяй. Яны вызваліліся ў Маскве, прайшлі зборы з беларускай камандай, але нешта там не атрымалася, і яны патэлефанавалі мне.

Бацькі ў дзяўчынак украінцы, дакументы на атрыманне грамадзянства зараз знаходзяцца ў стадыі афармлення, таму выступаюць яны пакуль за Кіеўскую вобласць, але толькі ў асабістым заліку, не прыносячы камандныя ачкі.

Ну а нам спартсменкі такога ўзроўню ў любым выпадку не зашкодзяць, асабліва ўлічваючы тое, што ў гэтай узроставай групе адчуваем пэўны кадравы дэфіцыт.

Наколькі я ведаю, пасля летняга чэмпіянату Украіны плануецца, што яны таксама пяройдуць рыхтавацца да юніёрскай групы, такім чынам фарміруючы найбліжэйшы рэзерв першай зборнай і паралельна рыхтуючыся да сваіх спаборніцтваў — юніёрскіх стартаў і Кубка IBU», — сказаў Брынзак.

Чытайце таксама: Федэрацыя біятлона прывезла на змену Домрачавай і Скардзіна трох расіянак ФОТЫ

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера