«Ты, пачвара, хто такая?! Часам шкадую, што зараз не 1937 год!» Дыялог Pussy Riot і паліцэйскіх пасля затрымання
Падчас фіналу чэмпіянату свету па футболе на поле выбеглі чацвёра ўдзельнікаў расійскай суполкі Pussy Riot: Пётр Вярзілаў, Вольга Курачова, Вольга Пахтусава і Ніка Нікульшына. Яны назвалі сваю акцыю «Міліцыянт уступае ў гульню» і патрабавалі вызвалення палітвязняў.
Паліцыя затрымала ўсіх чацвярых. У інтэрнэце з'явілася відэа, знятае ў пастарунку.
Вот вам дебилов pic.twitter.com/12pnHbi3mG
Паліцэйскі: Кайданкі! Кайданкі мне сюды на абодвух! Ты, пачвара, хто такая? Прозвішча, імя, імя па бацьку. Вы што, вырашылі Расіі насраць?
Пётр Вярзілаў: Не, мы за Расію, мы за Расію.
Паліцэйскі: А вы ведаеце, што за гэта Расія будзе штрафныя санкцыі плаціць ФІФА?
Пётр Вярзілаў: Чаму?
Паліцэйскі: Па драчану!
Пётр Вярзілаў: Мы за Расію, відавочна, гэтак жа, як вы, калі вы за Расію.
Паліцэйскі: Вы Расію падставілі пад штрафныя санкцыі.
Пётр Вярзілаў: Мы не падставілі Расію, няпраўда.
Паліцэйскі: Вы ненармальныя?
Пётр Вярзілаў: Нармальныя.
Паліцэйскі: Дзе вы форму ўзялі?
Пётр Вярзілаў: Напракат.
Паліцэйскі: Напракат? Я часам шкадую, што зараз не 37 год. Проста, часам шкадую. Абасраць Расію, так?
Пётр Вярзілаў: Ды мы не абсіраць Расію, у нас няма мэты. Мы наадварот за Расію.
Паліцэйскі: Што мэты няма? Вы штрафныя санкцыі [неразборліва] на Расію.
