Знайсці
21.02.2018 / 17:5011РусŁacБел

Сенсацыя: немцы на Алімпіядзе выбілі шведаў і выйшлі ў паўфінал

Вызначыліся ўсе чацвёра паўфіналістаў алімпійскага хакейнага турніра, які праходзіць у карэйскім Пхёнчхане.

Joel Marklund/ZUMAPRESS.com

Самым драматычным выдаўся апошні чвэрцьфінал, дзе адны з фаварытаў турніру шведы сустракаліся з немцамі. Ужо ў першым перыядзе немцы закінулі дзве шайбы, толькі напрыканцы гульні больш майстравітыя шведы змаглі адыграцца, перавёўшы гульню ў овертайм.

Ужо на першай хвіліне овертайма 35-гадовы нападнік немцаў Патрык Раймер вывеў сваю каманду ў паўфінал. 4:3 — перамога Германіі. Шведы праз 16 гадоў пасля паразы ў чвэрцьфінале Алімпіяды ў Солт-Лэйк-Сіці зноў аступіліся на той самай стадыі і з такім самым лікам.

У астатніх чвэрцьфіналах Чэхія па булітах перамагла ЗША 3:2, Расія разграміла Нарвегію 6:1, а канадцы мінімальна абыгралі Фінляндыю 1:0.

Паўфіналы адбудуцца ў пятніцу. Сустракаюцца Расія — Чэхія, Канада — Германія.

Сочым за Алімпіядай разам з букмекерскай канторай Марафон

ЗП

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера