«Атамны полк» на «Белсаце»
19 жніўня, аўторак. 21:15. Дакумэнтальны фільм з сэрыі «Невядомая Беларусь».
19 жніўня, аўторак. 21:15. Дакумэнтальны фільм з сэрыі «Невядомая Беларусь».
Трагічны лёс сустрэў амаль мільён жаўнераў і афіцэраў, якія прайшлі праз Чарнобыль. Адкрыта размаўляць пра гэта пачалі толькі праз тры гады пасьля катастрофы. Некаторыя зь іх атрымалі высокія пэнсіі. Аднак Чарнобыль ня быў першай ядзернай катастрофай для беларусаў…
У 1954 годзе полк з Берасьця быў накіраваны на ваенны палігон ў Арэнбурскай вобласьці ў ваколіцы вёскі Тоцкае. Навошта іх завезьлі так далёка? У той час у Беларусі было дастаткова ўласных палігонаў, дзе можна было праводзіць вучэньні. А тут вывезьлі цэлы полк з танкамі, артылерыяй, мэдычнай брыгадай, кухняй, але без амуніцыі. Якія вучэньні могуць быць без амуніцыі?
Вядомы маршал Г. Жукаў хацеў праверыць ядзерную зброю на сваіх жаўнерах. Зразумела, што было гэта ўзгоднена з ЦК і асабіста з Мікітам Хрушчовым. Чаму Тоцкае? Ягоныя краявіды нагадвалі маршалу паўднёвую Нямеччыну. Навошта полк танкістаў? У магчымай ядзернай вайне ён першым павінен быў ісьці праз Польшчу ў Нямеччыну….
***
* * *
Сыгнал незалежнага беларускамоўнага спадарожнікавага тэлеканалу цяпер даступны праз спадарожнік «Сырыюс‑4». Адначасова «Белсат» застаецца на спадарожніку «Астра». Парамэтры каналу на «Сырыюсе»:
Пазыцыя 5° E, Палярызацыя H, Частата 12 379,6 МГЦ
15:38, 6 жнiўня 2008
