Знайсці
05.03.2017 / 13:42 98

Некалькі тысяч людзей далучыліся да шэсця пратэсту ў Брэсце АНЛАЙН

Нягледзячы на прэвентыўныя затрыманні некалькіх важакоў пратэстаў, а таксама лідараў апазіцыі, што кіраваліся ў Брэст з Мінска, людзі сабраліся на плошчы Леніна. Старшыня гарвыканкама Аляксандр Рагачук запрасіў людзей на гутарку ў актавую залу гарвыканкама, але пагадзілася толькі невялікая колькасць пратэстоўцаў. «Ён нічога не вырашае!» — крычалі з натоўпу.

Да мітынгу далучыліся анархісты, яны і заводзілі скандаванні. «Анархісты зрабілі дзень», — кажа блогер-стрымер Сяргей Пятрухін.

Паколькі функцыю лідараў узялі на сябе анархісты, то гэта першае шэсце, што праходзіць пад чорным сцягам, а не бел-чырвона-белым. Але «Жыве Беларусь» скандавалі, а таксама «Баста!» і «Не дэкрэту нумар тры! Лукашэнка, ухадзі». Масавай была падтрымка і яшчэ двух лозунгаў: «Нет зарплаты, есть налог — депутату в кошелек!» і «Настоящий дармоед — тот, кто выдумал декрет».

Анархісты павялі шэсце праз горад, вуліцамі Пушкінскай і Савецкай. Па дарозе шэсце разраслося да некалькіх тысяч чалавек. Людзі з ганкаў крамаў падтрымлівалі дэманстрантаў апладысментамі.

Падтрымаць пратэстоўцаў у Берасце прыехаў і адзін з важакоў пратэстаў у Гомелі, блогер Максім Філіповіч.

Пры канцы з трыбуны берасцейцаў заклікалі 11 сакавіка падтрымаць аналагічны пратэст у Пінску. 

Анлайн-відэа з Берасця, стрыміў блогер і акцёр Сяргей Пятрухін:

Працяг:

Чарговая вулічная акцыя супраць дэкрэта №3 адбываецца сёння ў Брэсце. Галоўны арганізатар акцыі — актывіст АГП з Бярозы Аляксандр Кабанаў. 

«Мы хочам агучыць і прыняць рэзалюцыю. Таксама ў нас будуць падпісныя лісты, усе ахвотныя змогуць паставіць подпіс за адмену дэкрэта № 3. Акцыя адбудзецца як марш па горадзе, як гэта адбываецца ўсюды», — кажа Кабанаў.

nn.by

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2021 2022 2023
ПН АЎ СР ЧЦ ПТ СБ НД
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30