За грашовыя пераводы і перадачы палітвязням жыхарцы Брэста пагражае 7 гадоў турмы
Брэсцкі абласны суд з 2 ліпеня разглядае крымінальную справу палітзняволенай Ірыны Бандарэнкі, якую вінавацяць у «садзейнічанні экстрэмісцкай дзейнасці». Справу разглядае суддзя Дзмітрый Куроўскі, піша Радыё Свабода
Паводле артыкула 361-4 Крымінальнага кодэкса Беларусі жанчыне пагражае да 7 гадоў зняволення.
Ірыне Бандарэнцы больш за 50 гадоў. Жанчына са сваёй ініцыятывы аказвала грашовую дапамогу зняволеным брэсцкага СІЗА, таксама перасылала ім харчовыя перадачы. У 2023 годзе Ірыну Бандарэнку некалькі разоў затрымлівалі, але адпускалі, пазней пачалі выклікаць на допыты ў Следчы камітэт.
«Ведала, што могуць пасадзіць, на допыты хадзіла з торбай рэчаў, але спадзявалася, што ўсё абыдзецца. Не атрымалася», — расказаў пра Ірыну Бандарэнку яе знаёмы.
Паводле яго слоў, пасля выкліку на допыт 26 красавіка жанчына дамоў не вярнулася, сама трапіла ў следчы ізалятар. Падчас знаходжання ў СІЗА лісты ад яе не даходзілі.
Беларускія праваабаронцы прызналі Ірыну Бандарэнку палітзняволенай.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)