На Віцебшчыне выявілі майстэрню па вырабе зброі
На Віцебшчыне затрымалі двух жыхароў Полацка, якія выраблялі і рамантавалі агнястрэльную і халодную зброю.
Паводле прэс-службы міліцыі, нелегальную майстэрню 65-гадовы мужчына арганізаваў у садовым домікуі 64-гадовага знаёмага. Апошні, паведамляе міліцыя, займаўся пошукам кліентаў, старэйшы — непасрэдна выконваў працы.
У затрыманых канфіскавана: шэсць самаробных пісталетаў, самаробная вінтоўка з прыборам для бясшумнай стральбы і прыцэльным прыстасаваннем, чатыры пнеўматычныя вінтоўкі, порах, патроны рознага калібру.
Акрамя таго, мужчыны захоўвалі вялікую колькасць частак стралковай зброі, 19 паляўнічых нажоў саматужнай вытворчасці, два штык-нажы да аўтамата Калашнікава.
Распачата крымінальная справа за незаконныя дзеянні ў дачыненні да агнястрэльнай зброі і боепрыпасаў. Артыкул прадугледжвае да 10 гадоў пазбаўлення волі.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)