ПСЖ не будзе працягваць кантракт з брамнікам, які атрымаў удар капытом
Рыка быў галкіперам парыжан з 2020 года, але правёў за каманду толькі 24 матчы.
Сэрхіа Рыка з жонкай. Фота: фэйсбук Фабрыцыа Рамана
«Пары Сен-Жэрмен» вырашыў не працягваць кантракт з іспанскім галкіперам Серхіа Рыка, які ў маі 2023 года атрымаў цяжкую траўму, зваліўшыся з каня, піша RMC Sport.
Рыка быў брамнікам парыжан з 2020 года, але правёў за каманду толькі 24 матчы, у тым ліку апошні — у лістападзе 2021-га.
У маі мінулага года Рыка адправіўся ў паломніцтва ў Андалусію, дзе яго конь сутыкнуўся з чужым канём, галкіпер упаў і атрымаў удар капытом у вобласць галавы і шыі. Ён правёў у лякарні Севільі агулам 82 дні, двойчы быў у медыкаментознай коме.
У лютым стала вядома, што брамнік вырашыў вярнуцца да трэніровак. ПСЖ 14 чэрвеня абвясціў пра пераход ў каманду расіяніна Мацвея Сафонава.
У складзе ПСЖ таксама ёсць галкіперы Джанлуіджы Донарума (асноўны галкіпер) і Арнау Тэнас.
Чытайце таксама:
Іспанскі брамнік клуба «ПСЖ» назаўтра пасля перамогі ў французскім чэмпіянаце трапіў пад капыты каня
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)