У Расіі на паліцэйскага падчас паказальных выступленняў звалілася службовая машына ВІДЭА
Здарэнне адбылося 28 чэрвеня ў Цэнтры прафесійнай падрыхтоўкі супрацоўнікаў Дзяржаўнай інспекцыі бяспекі дарожнага руху ў падмаскоўнай Іванцееўцы, піша Mash.
Падчас выступлення прафесійнай пілатажнай групы «Каскад» кіроўцы выконвалі трук: машына ехала бокам на двух колах. У пэўны момант яна ўпала проста на супрацоўніка, прыціснула яго і працягнула некалькі метраў.
Мужчына выжыў толькі дзякуючы шлему, але яго мусілі шпіталізаваць. Яму дыягнаставалі пералом нагі і ўдары, але жыццю нічога не пагражае.
Папярэдняя прычына надзвычайнага здарэння — машына не набрала хуткасць, неабходную для паспяховага выканання трука.
Чытайце таксама:
Падчас перастрэлкі ў Баку застрэлілі трох паліцэйскіх
У Дагестане застрэлілі паліцэйскіх і перарэзалі горла праваслаўнаму святару
