У Мінску ноччу стаяла даўжэзная чарга ў краму. Што давалі?
У Мінску ў ноч з 26 на 27 чэрвеня ў адну з крам на праспекце Пераможцаў выстраілася вялізная чарга. Што прымусіла мінчан вылезці са сваіх утульных ложкаў глыбокай ноччу і адправіцца ў магазін, піша telegraf.news.
Аказалася, што прычынай вялізнай чаргі стала акцыя беларускай кнігарні OZ. Кампанія загадзя папярэдзіла аб тым, што ўсяго на адну ноч адчыніць дзверы сваёй крамы ў цэнтры горада, каб зрабіць распродаж кніжных бэстсэлераў. Тым, хто прыйдзе за пакупкамі ў піжаме, кампанія паабяцала бясплатную кнігу ў падарунак.
Мяркуючы па роліку, апублікаваным адной з пакупніц у тыктоку, тых, хто пажадаў набыць кнігі з 20—40%-й зніжкай і атрымаць бясплатную кнігу бонусам, знайшлося нямала.
Як адзначыла адна з глядачак у каментарах, вялізныя чэргі за кнігамі зʼяўляецца відавочнай прыкметай таго, што «краіна не страчаная».
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)