За негатыўны каментар пра Лукашэнку жыхарку Магілёва асудзілі да 1,5 года калоніі
У судзе Ленінскага раёна Магілёва да аднаго года і шасці месяцаў калоніі за негатыўны каментар пад фатаграфіяй Лукашэнкі ў чаце асудзілі Алену Дуброўскую. Суддзя Алена Літвіна 17 красавіка прызнала яе вінаватай паводле ч. 1 арт. 368 Крымінальнага кодэкса, піша «Вясна».
Ілюстрацыйнае фота
Паводле версіі абвінавачвання, Алена Дуброўская пад пастом з фатаграфіяй Аляксандра Лукашэнкі, апублікаванай у «экстрэмісцкім» чаце, размясціла негатыўны каментар супраць гэтай асобы, выкарыстоўваючы ненарматыўную лексіку. На судовым пасяджэнні жанчына цалкам прызнала віну.
У выніку суд Ленінскага раёна Магілёва асудзіў яе да аднаго года і шасці месяцаў пазбаўлення волі ў папраўчай калоніі ва ўмовах агульнага рэжыму. У Алены таксама канфіскавалі мабільны тэлефон як «сродак здзяйснення злачынства».
Алена Дуброўская падавала апеляцыйную скаргу, але ў беларускіх умовах гэта ніякага сэнсу звычайна не мае. У яе выпадку апеляцыйны разгляд выніку таксама не даў.
Чытайце таксама:
Эдуарда Бабарыку будуць судзіць па новай крымінальнай справе
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)