У Мюнхене мужчына завабіў беларуса дахаты і спрабаваў яго згвалтаваць
Мюнхенскі акруговы суд разгледзеў справу аб згвалтаванні. Не зусім звычайным гэты працэс рабіла тое, што ахвярай згвалтавання быў мужчына.
Фота: Michael Probst / AP
Беларус Юрый Р. (імя зменена) чакаў на вакзале аўтобус на радзіму. Ён быў расстроены пасля сваркі з каханай дзяўчынай. Каб зняць напружанне, Юрый выпіў паўбутэлькі гарэлкі, піша Süddeutsche Zeitung.
На вакзале з беларусам завёў размову мужчына. Марцін Б. расказаў, што ён ездзіць у Германію з Польшчы на заробкі, працуе кругласутачным апекуном над пажылымі людзьмі. Ён запрасіў Юрыя дадому — прыняць душ і культурна адпачыць.
У кватэры мужчыны выпілі піва, беларус прылёг і задрамаў. Але неўзабаве ён прачнуўся — і заўважыў, што гаспадар кватэры спрабуе заняцца з ім аральным сэксам.
Юрый выскачыў з кватэры, пакінуў торбу каля дзвярэй, каб не забыцца адрас, і выклікаў паліцыю. Беларус патлумачыў, што гэта быў вельмі непрыемны досвед. Ён назваў дзеянні Марціна прыніжаючымі годнасць. Адвакат падаў пазоў з нагоды згвалтавання.
Марцін праз адваката прызнаў віну. Ён сказаў, што шкадуе, і патлумачыў, што перажываў няпросты перыяд у жыцці і выпіваў шмат алкаголю.
Суд павінен быў кваліфікаваць гэтую справу. Прысяжныя вырашылі, што дзеянні Марціна сапраўды варта кваліфікаваць як згвалтаванне.
Суд прызначыў мужчыну пакаранне ў выглядзе двух гадоў пазбаўлення волі з выпрабавальным тэрмінам.
Чытайце таксама:
У Магілёве раскрылі забойства 24-гадовай даўніны. Фігурантам пагражае смяротнае пакаранне
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)