Кітай спадзяецца, што Беларусь і Польшча вырашаць канфлікт без закрыцця мяжы
У Пекіне пракаментавалі пытанне, якое прэзідэнт Польшчы ўзняў на сустрэчы з Сі Цзіньпінам.
Сі Цзіньпін. Фота: AP Photo / Tatan Syuflana
Анджэй Дуда на сустрэчы з кітайскім калегам закрануў тэму крызісу на мяжы з Беларуссю.
Польскі лідар узгадаў пра смерць памежніка ад рук мігранта, а таксама намякнуў, што Польшча можа цалкам закрыць мяжу.
У МЗС Кітая адзначылі, што спадзяюцца на дээскалацыю канфлікту, піша Radio Zet.
«Кітай спадзяецца, што абодва бакі будуць ставіцца адзін да аднаго з павагай і будуць вырашаць праблему шляхам кансультацый, каб пазбегнуць эскалацыі напружанасці», — адзначылі ў кітайскім МЗС.
Праз мяжу Беларусі і Польшчы праходзіць важны для гандлю Кітая з Еўразвязам чыгуначны маршрут. Кіраўнік МЗС Польшчы Радаслаў Сікорскі нядаўна заявіў, што ўрад можа разгледзець магчымасць поўнага закрыцця мяжы з Беларуссю праз крызіс з мігрантамі.
Чытайце таксама:
Пасля кансультацый з Лаўровым Алейнік пракаментаваў магчымае закрыццё пераходаў з Польшчай
Аляксандр Вальфовіч: Мігранты ідуць — іх не спыніш
Польшча разглядае магчымасць закрыць рэшту пераходаў на мяжы з Беларуссю
