Пяцёра пасажыраў мікрааўтобуса з ДТЗ пад Докшыцамі — у рэанімацыі
У жудаснай аварыі з мікрааўтобусам пад Докшыцамі пацярпела 11 чалавек, у тым ліку 8 дзяцей, паведамляе Міністэрства аховы здароўя. Пры гэтым адзін дарослы і чацвёра дзяцей шпіталізаваныя ў рэанімацыйнае аддзяленне ў цяжкім стане.
На месцы аварыі
Усе пацярпелыя былі дастаўленыя ў Докшыцкую цэнтральную раённую бальніцу. Пазней адно дзіця было пераведзенае ў Глыбоцкую ЦРБ.
У докшыцкую ЦРБ выехалі спецыялісты са сталіцы: пяць нейрахірургаў з РНПЦ неўралогіі і нейрахірургіі, анестэзіёлаг-рэаніматолаг і траўматолаг з БХМД Мінска, анестэзіёлаг-рэаніматолаг і дзіцячы хірург з БДМУ і анестэзіёлаг-рэаніматолаг з РНПЦ дзіцячай хірургіі.
ДТЗ адбылося 21 чэрвеня каля 19:30 пад Докшыцамі. Аўтамабіль Volkswagen Passat, выязджаючы з другаснай дарогі, урэзаўся ў мікрааўтобус з дзецьмі. Кіроўца і пасажырка легкавіка загінулі на месцы.
Чытайце таксама:
Пад Докшыцамі машына сутыкнулася з мікрааўтобусам, два чалавекі загінулі
П'яны беларус на фуры зладзіў адразу некалькі ДТЗ у Германіі. Нанесеная шкода ўражвае
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)