Z-ваенкары сцвярджаюць, што расійскія вайскоўцы збілі ўласны верталёт
Расійская СПА збіла над горадам Анапа верталёт Ка-29 Паветрана-касмічных сіл Расіі. Пра гэта амаль адначасова паведамілі расійскі дэсантнік і Z-блогер Ягор Гузенка («Трынаццаты») і праваенны тэлеграм-канал «Інфарматар».
Верталёт Ка-29, здымак ілюстрацыйны. Фота: Wikimedia Commons
«Ка-29 займаўся пошукам бэкаў [безэкіпажных катараў], адзін з нашых «панцыраў» нанёс удар па верталёце (паводле папярэдняй версіі, праз няспраўнасць сістэмы «свой-чужы»)», — напісаў Гузенка.
Гэтую ж версію паведамілі аўтары «Інфарматара», аднак яны дапусцілі, што верталёт мог збіць безэкіпажны катар «у версіі СПА». У выніку інцыдэнту загінуў увесь экіпаж Ка-29 — чатыры чалавекі.
Жалобны пост у памяць пра загінулых выклаў капітан ВКС РФ Ілля Туманаў (Fighterbomber). На яго думку, хоць верталёт сапраўды збіла расійская СПА, але адбылося гэта з-за новай тактыкі Узброеных сіл Украіны, якія запускаюць дроны па цэлях на тэрыторыі Расіі.
Чытайце таксама:
Украінскія вайскоўцы сталі выкарыстоўвасць новую хітрасць з беспілотнікамі
Украінскія дроны атакавалі Краснадарскі край і Севастопаль
Беларусь прадставіла верталёт — «забойцу» марскіх дронаў, яго збіраюцца прадаваць Расіі
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)
Ну з м*** зразумела, але беларуская рэдакцыя магла б выправіць.