Франака Вячорку завочна пасадзілі на 20 гадоў
Мінскі гарадскі суд прысудзіў галоўнаму дарадцу Святланы Ціханоўскай Франаку Вячорку 20 гадоў калоніі ўзмоцненага рэжыму, паведамляе прэс-служба Генпракуратуры.
Вячорку абвінавачвалі па дзевяці артыкулах:
- ч. 3 арт. 130 КК («Распальванне расавай, нацыянальнай, рэлігійнай альбо іншай сацыяльнай варожасці або варожасці»),
- ч. 1 арт. 293 КК («Масавыя беспарадкі»),
- ч. 1 арт. 342 КК («Арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх»),
- ч. 1 арт. 356 КК («Здрада дзяржаве»),
- ч. 1 арт. 357 КК («Змова ці іншыя дзеянні, учыненыя з мэтай захопу дзяржаўнай улады»),
- ч. 3 арт. 361 КК («Заклікі да мер абмежавальнага характару (санкцый), іншых дзеянняў, накіраваных на прычыненне шкоды нацыянальнай бяспецы Рэспублікі Беларусь»),
- ч. 1 і 2 арт. 361-1 КК («Стварэнне экстрэмісцкага фарміравання альбо ўдзел у ім»),
- ч. 2 арт. 367 КК («Паклёп у дачыненні да прэзідэнта Рэспублікі Беларусь»),
- арт. 369-1 КК («Дыскрэдытацыя Рэспублікі Беларусь»).
Пры гэтым Вячорка хацеў папрысутнічаць на судзе над сабой па відэасувязі, але суд яму гэта забараніў і прапанаваў палітыку прыехаць у Мінск асабіста.
«Уступіў я тут у забаўную перапіску з лукашэнкаўскім судом. Калі коратка, не дазволілі мне прысутнічаць на судзе над сабой і не далі азнаёміцца са справай. Кажуць, вяртайцеся ў Менск. Затое прызначылі адваката. Я, вядома, ёй адразу напісаў, а яна тую ж песьню завяла: кажа вяртайцеся ў Менск», — написал пра гэта сам Вячорка ў фэйсбуку.
Чытайце таксама:
Чаму многім не падабаецца Франак Вячорка?
Вячорка расказаў, у якіх краінах Ціханоўскую сустракалі з лукашэнкаўскім сцягам
Справу Франака Вячоркі накіравалі ў Вярхоўны суд. Налічылі шкоды на 30 мільёнаў рублёў
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)