Джасціна Тымберлэйка арыштавалі за нецвярозае кіраванне
Паліцыя штата Нью-Ёрк арыштавала вядомага амерыканскага спевака і акцёра Джасціна Цімберлейка за кіраванне аўтамабілем у нецвярозым выглядзе. Неўзабаве яму выставяць афіцыйнае абвінавачванне.
Джасцін Тымберлэйк. Фота: AP Photo/Chris Pizzello
Тымберлэйка арыштавалі ў мястэчку Саг-Харбар на востраве Лонг-Айленд, вядомым як месца летняга адпачынку заможных жыхароў Нью-Ёрка. Пры якіх менавіта абставінах спявак быў арыштаваны, пакуль не паведамляецца.
У найбліжэйшы час 43-гадовы Тымберлэйк збіраўся выправіцца ў сусветнае турнэ пасля выхаду яго шостага альбома Everything I Thought It Was.
Джасцін Тымберлэйк — адзін з найпапулярнейшых музычных выканаўцаў у свеце. Свой першы сольны альбом Justified спявак выдаў у 2002 годзе, ён разышоўся тыражом больш за 8 млн асобнікаў.
У мінулым годзе ў адным з інтэрв'ю Цімберлэйк прызнаўся, што ў яго кар'еры быў перыяд, калі ён злоўжываў алкаголем. Сайт Singersroom расказаў, што ён сур'ёзна меў намер змяніць сваё жыццё, звярнуцца па дапамогу, пазбавіцца ад алкагольнай залежнасці і ў цэлым заняцца сваім здароўем.
Чытайце таксама:
Ціма Беларускіх выпусціў першую песню пасля прыгодаў па наркатычным крымінальным артыкуле
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)