Расія заваблівае беларускую моладзь грантамі
Міністр навукі і вышэйшай адукацыі Расіі Валерый Фалькоў паведаміў, што беларускія абітурыенты змогуць паступаць у расійскія ВНУ па адукацыйных грантах. Па словах кіраўніка ведамства, расійскі ўрад ужо прыняў адпаведную пастанову.
Фота ілюстрацыйнае
На пасяджэнні 66-й сесіі Парламенцкага сходу Саюза Беларусі і Расіі ў Мінску Фалькоў нагадаў, што кожны год расійскія ВНУ выдзяляюць пэўную колькасць бясплатных месцаў для замежнікаў. Для беларусаў гэтая колькасць — 1300.
«У дадатак да квот мы ўводзім другі інструмент… Гаворка ідзе пра адукацыйныя гранты», — цытуе расійскага чыноўніка Sputnik.
Валерый Фалькоў адзначыў, што заканадаўчую аснову для гэтага ўжо стварылі, і растлумачыў, чым «добрыя адукацыйныя гранты».
Па-першае, па ягоных словах, гранты пакрыюць транспартныя выдаткі. «Другое — гэта страхоўка, трэцяе — жыццё ў інтэрнаце, чацвёртае — стыпендыя. У залежнасці ад акадэмічнай паспяховасці і заслуг у школе ёсць тры розныя ўзроўні стыпендыі», — расказаў кіраўнік ведамства.
Фалькоў таксама дадаў, што ўрад Расіі плануе павялічыць фінансавыя выдаткі на падрыхтоўку аднаго спецыяліста ў ВНУ.
Чытайце таксама:
«Паловы кафедры вось так, бах — і няма!» Як рэпрэсіі знішчаюць гістфак БДУ
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)